الصبح طفل برئ ومساه يبان تجاعيد
وفوق طريق الايام تجرى الحياه
مشاوير
ونشوف ملامح الزمن متعاده فى
المواليد
واحنا البشر كلنا اعمار ورق بيطير
دايره تدور بالبشر وياّ الزمان بتفوت
دمعه على اللى مضى و دمعة فرح
بالجاى
يا حىّ طول مانت حىّ مسيره ييجى
الدور
دى حكايه متكرّره من يوم ولادة
الضىّ
الصبح طفل برئ ومساه يبان تجاعيد
وفوق طريق الايام تجرى الحياه
مشاوير
ونشوف ملامح الزمن متعاده فى
المواليد
واحنا البشر كلنا اعمار ورق بيطير
ياللىّ انت عايش حياه بص لها تلقاها
سبحة هنا و تنفرط بالعمر مانشوفهاش
ولا شئ يعطّر حياتنا يمد فى مداها
غير سيره عاشت لنا اكتر صاحبها ما
عاش
